Lack Of Sex EducationSex Education
Aala ta'aleem kay ba'ad America sey wapsi per meine Bahawalpur division kay ek chotey sey sheher Chishtiya'n main apna anfsiyati clinic shuru kya. Mera pehla mareez ek ma'amooli parha likha dehaati naujawan tha jis ki inhi dino'n shadi hui thi magar yeh naujawan kaee maah guzarney kay bawajood apni biei sey azdawajii ta'alluqaat qa'em karney mein kaamyaab na hosaka. Doctors kay mutabiq woh bilkul normal tha yani usey koi jismani masla nahi tha. Pehli mulaqat mein uss kay masley per amoomi guftugoo hui phir usey elaj kay liye chund din ba'ad bulaya magar who na aaya, mein bhi uss naujawan ko bhool gaya. Ek maah ba'ad achanak uss kay barey bhaee sey mulaqat hui, meine uss naujawan kay muta'alliq poocha, uski aankh sey aansoo nikal aaey uss ney aansoo ponchtey huey bataya kay uss ney khudkushi karli.
Dar asal woh abhi tak azdawajii ta'alluqaat qa'em na kar paya tha, uss ko yaqeen tha kay who iss qaabil nahin haala'n kay uss kay saarey tests normal thay, phir sharmindagi sey bachney kay liye ek andheri raat biwi ko ley kar ga'on sey baher aaya pehley biwi ko ek darakht kay sath latka diya phir khud bhi ussi darakht kay sath jhool gaya. Haqeeqat yeh thi kay usey koi jinsi masla nahin tha, uska masala sirf nafsiyati tha. Uss ney humein mohlat na dii kay hum uski madad kartey haala'n kay aaj kay ilmi daur mein iss tarah kay masley ko aasaani sey hal kya ja sakta hai. Hum iss tarah kay masail har roz hal kartey hain.
Naujawanon Kay Masail Aur Unka Hal By Prof Arshad Javed
Iss kay elawa apni shagird mahir e nafsiyat Uzma Butt, Rizwana Hashmi aur Haleema Saadia ka bhi shukar guzar hun kay unhon ney kitab kay larkiyon waley hissey ka ja'eza liye aur mufeed mashwarey diye.
Apney American dost janab AbdulHaleem Khan aur bhateejey Hafiz Ishtiaque Ahmed (london) ka khaas tor per mamnoon hun jinhon ney mujhey iss mozou per meyari aur taza tareen (latest) kutub bhijwaee'n jin sey mein ney bharpoor faeda uthaya.
Aakhir mein apni honey biwi ka bey hudd shukar guzar hun jinhon ney humesha merey aaram aur such ko har kaam per tarjeeh dii aur kitab likhney kay doran mujhey har sahoolat, aaram aur sukoon muhayya kiya.
Harf e Aaghaz
Chund saal pehley ek ma'aroof idaarey ney mujhey "Naujawano'n Kay Masail" per lecture ki da'awat dii. Ghaliban Pakistan bhar mein iss tarah khuley aam jins (sex) jaisey nazuk mozou per guftugoo ka yeh pehla moqa tha. Naujawan shurka'a ney iss lecture mein bohut zyada dilchaspi lii chunancha kuch arsey ba'ad isi idaarey ney mujhey phir isi mozou per izhar e khayal ki da'awat dii. Iss martaba taqreeban 19 jinsi mughalito'n (sexual misconceptions) ki haqeeqat beyan ki gaee jinhon ney naujawano'n ki zindagi ko tabah kar rakha tha. Naujawan shurka'a ka khayal tha kay inn ma'aloomaat ney unn ki zindagi mein aasani paeda ki aur masail kay bojh ko kam kya. Lehaza yeh ma'aloomaat Pakistan kay har naujawan tak pohonchni chahiyien.
Sex Education - Research Ki Zaroorat
Sex Education In Urdu
Iss guftugoo kay ba'ad mehsoos hua kay iss mozou per mazeed muta'alla aur research ki zaroorat hai. Humarey haan iss mozou per meyari kutub na honay kay baraber hain. Chunancha America aur Europe mein apney doston ko likha, iss tarah meyari aur taza kutub hasil kiin aur unn sey faeda uthaya. Iss kay elawa Karachi kay ma'aroof psychiatrist, sabiq member subaee assembly aur rukun jama'at e islami Dr. Syed Mobeen Akhter ki tehreeron sey bhi merey ilm mein izafa hua. Pakistan mein dastyab aksar kutub jahalat aur bey ilmi ka shahkaar hain. Sex kay hawaley sey jitney yeh neem hakeem jaahil hain, shayad hi koi doosra ho. Teen saal kay muta'alley aur tehqeeq ka nichorr humney ek seminar ki surat mein Lahore mein Mall Road per Alhamra Hall mein free paesh karna shuru kya. Logon ki dilchaspi ka yeh aalam tha kay hall mein til dharney ki jagah nah hoti thi. Taqreeban 99% logon ney isey bey hudd pasand kya. Inn kay khayal mein yeh ek mufeed koshish hai jab kay 1% ney kaha kay hum fahaashi phela rahey hain. Humarey kuch khaer khwaho'n (well wishers) ney humein mashwara diya kay hum zara ehtiyat karein aur hakeemo'n ka zikr na karein warna who aap ko qatal kara deingey kyun kay aap unn kay rizq per laat maar rahey hain.
Iss doran humney sex kay hawaley sey chund ahem issues per Lahore kay ma'aroof ulma'a ki khidmat mein ek sawal naama irsaal kya. Aksar ulma e karaam ney shayad masail ko ghaer ahem samajhtey huey jawab nah diya ya shayad woh iss mozou per apni ra'ey detey huey ghabratey hain lekin aap ittefaq karein gey kay aankhein bandh karney sey masail khatam nahin hongey. Unn ka saamna karna aur unn ka hal dhoondhna zaroori hai.
Sex Education For Children
Hum jinsiyat (homosexuality) na sirf gunah hai bul kay khatarnak jinsi bemariyon khusoosan AIDS waghaera kay phaelney ka mu'asser zarya hai. Kya naujawan nasal ko iss baat ka ilm nahin hona chahiyie kay mian biwi kay jinsi ta'alluqaat per sharmindagi ki koi baat nahin, yeh koi buri cheez nahin. Allah kay nabi ney biwi kay sath mubaashirat ko naeki aur sadqa qaraar diya hai. Iss tarah kyalarkiyon ko yeh ilm nahin hona chahiyie kayhaez koi bemari nahin bul kay ek fitri cheez hai jo inn ki baloghat aur takmeel ki alamat hai. Kya bachiyon ko yeh ilm nahin hona chahiyie kay leucorrhea koi beemari nahin.
Agar aap bachon ko Quran o sunnah aur jadeed ilm ki roshni mein khud jinsi ta'aleem nahin deingey to bachey yeh ma'aloomat apney doston, deewaro'n per ishtehaaraat aur ghaer meyari kutub sey hasil kareingey jo taqreeban 100% ghalat aur gumrahkun hoti hain. Ek research kay mutabiq bachey taqreeban 50% jinsi ma'aloomat doston aur 21% kutub sey hasil kartey hain(Hyde). Budqismati sey bacho'n kay doston ki ma'aloomaat durust hoti hain na hi humarey haan iss mozou per meyaru kutub mojood hain.
Iss hawaley sey ek sawal yeh paeda hota hai kay bachon ko jinsi taleem kab dii jaey. Iss silsiley mein Quran majeed sey rehnumaee milti hai. Who bachey jinki madri zuban urdu hai woh ju'nhi Quran Majeed parhna shuru kartey hain unn ki sex education bhi shuru ho jati hai. Amooman bachey 9 ya 10 saal ki umer mein Quran majeed parhna shuru kar detey hain. Mashhoor huftroza Time kay ek survey kay mutabiq awam ki aksaryat ka khayal hai kay jinsi ta'aleem 12 saal ki umer sey shuru ho jab kay walaedaen ka khayal hai kay bachon ki jinsi ta'aleem baloghat sey pehley shuru nahin honi chahiyie magar haqeeqat yeh hai kay bacha apni jinsi ta'aleem apney ibtedaee saalon mein shuru kar deta hai
Aala ta'aleem kay ba'ad America sey wapsi per meine Bahawalpur division kay ek chotey sey sheher Chishtiya'n main apna anfsiyati clinic shuru kya. Mera pehla mareez ek ma'amooli parha likha dehaati naujawan tha jis ki inhi dino'n shadi hui thi magar yeh naujawan kaee maah guzarney kay bawajood apni biei sey azdawajii ta'alluqaat qa'em karney mein kaamyaab na hosaka. Doctors kay mutabiq woh bilkul normal tha yani usey koi jismani masla nahi tha. Pehli mulaqat mein uss kay masley per amoomi guftugoo hui phir usey elaj kay liye chund din ba'ad bulaya magar who na aaya, mein bhi uss naujawan ko bhool gaya. Ek maah ba'ad achanak uss kay barey bhaee sey mulaqat hui, meine uss naujawan kay muta'alliq poocha, uski aankh sey aansoo nikal aaey uss ney aansoo ponchtey huey bataya kay uss ney khudkushi karli.
Dar asal woh abhi tak azdawajii ta'alluqaat qa'em na kar paya tha, uss ko yaqeen tha kay who iss qaabil nahin haala'n kay uss kay saarey tests normal thay, phir sharmindagi sey bachney kay liye ek andheri raat biwi ko ley kar ga'on sey baher aaya pehley biwi ko ek darakht kay sath latka diya phir khud bhi ussi darakht kay sath jhool gaya. Haqeeqat yeh thi kay usey koi jinsi masla nahin tha, uska masala sirf nafsiyati tha. Uss ney humein mohlat na dii kay hum uski madad kartey haala'n kay aaj kay ilmi daur mein iss tarah kay masley ko aasaani sey hal kya ja sakta hai. Hum iss tarah kay masail har roz hal kartey hain.
Naujawanon Kay Masail Aur Unka Hal By Prof Arshad Javed
Iss kay elawa apni shagird mahir e nafsiyat Uzma Butt, Rizwana Hashmi aur Haleema Saadia ka bhi shukar guzar hun kay unhon ney kitab kay larkiyon waley hissey ka ja'eza liye aur mufeed mashwarey diye.
Apney American dost janab AbdulHaleem Khan aur bhateejey Hafiz Ishtiaque Ahmed (london) ka khaas tor per mamnoon hun jinhon ney mujhey iss mozou per meyari aur taza tareen (latest) kutub bhijwaee'n jin sey mein ney bharpoor faeda uthaya.
Aakhir mein apni honey biwi ka bey hudd shukar guzar hun jinhon ney humesha merey aaram aur such ko har kaam per tarjeeh dii aur kitab likhney kay doran mujhey har sahoolat, aaram aur sukoon muhayya kiya.
Harf e Aaghaz
Chund saal pehley ek ma'aroof idaarey ney mujhey "Naujawano'n Kay Masail" per lecture ki da'awat dii. Ghaliban Pakistan bhar mein iss tarah khuley aam jins (sex) jaisey nazuk mozou per guftugoo ka yeh pehla moqa tha. Naujawan shurka'a ney iss lecture mein bohut zyada dilchaspi lii chunancha kuch arsey ba'ad isi idaarey ney mujhey phir isi mozou per izhar e khayal ki da'awat dii. Iss martaba taqreeban 19 jinsi mughalito'n (sexual misconceptions) ki haqeeqat beyan ki gaee jinhon ney naujawano'n ki zindagi ko tabah kar rakha tha. Naujawan shurka'a ka khayal tha kay inn ma'aloomaat ney unn ki zindagi mein aasani paeda ki aur masail kay bojh ko kam kya. Lehaza yeh ma'aloomaat Pakistan kay har naujawan tak pohonchni chahiyien.
Sex Education - Research Ki Zaroorat
Sex Education In Urdu
Iss guftugoo kay ba'ad mehsoos hua kay iss mozou per mazeed muta'alla aur research ki zaroorat hai. Humarey haan iss mozou per meyari kutub na honay kay baraber hain. Chunancha America aur Europe mein apney doston ko likha, iss tarah meyari aur taza kutub hasil kiin aur unn sey faeda uthaya. Iss kay elawa Karachi kay ma'aroof psychiatrist, sabiq member subaee assembly aur rukun jama'at e islami Dr. Syed Mobeen Akhter ki tehreeron sey bhi merey ilm mein izafa hua. Pakistan mein dastyab aksar kutub jahalat aur bey ilmi ka shahkaar hain. Sex kay hawaley sey jitney yeh neem hakeem jaahil hain, shayad hi koi doosra ho. Teen saal kay muta'alley aur tehqeeq ka nichorr humney ek seminar ki surat mein Lahore mein Mall Road per Alhamra Hall mein free paesh karna shuru kya. Logon ki dilchaspi ka yeh aalam tha kay hall mein til dharney ki jagah nah hoti thi. Taqreeban 99% logon ney isey bey hudd pasand kya. Inn kay khayal mein yeh ek mufeed koshish hai jab kay 1% ney kaha kay hum fahaashi phela rahey hain. Humarey kuch khaer khwaho'n (well wishers) ney humein mashwara diya kay hum zara ehtiyat karein aur hakeemo'n ka zikr na karein warna who aap ko qatal kara deingey kyun kay aap unn kay rizq per laat maar rahey hain.
Iss doran humney sex kay hawaley sey chund ahem issues per Lahore kay ma'aroof ulma'a ki khidmat mein ek sawal naama irsaal kya. Aksar ulma e karaam ney shayad masail ko ghaer ahem samajhtey huey jawab nah diya ya shayad woh iss mozou per apni ra'ey detey huey ghabratey hain lekin aap ittefaq karein gey kay aankhein bandh karney sey masail khatam nahin hongey. Unn ka saamna karna aur unn ka hal dhoondhna zaroori hai.
Sex Education For Children
Hum jinsiyat (homosexuality) na sirf gunah hai bul kay khatarnak jinsi bemariyon khusoosan AIDS waghaera kay phaelney ka mu'asser zarya hai. Kya naujawan nasal ko iss baat ka ilm nahin hona chahiyie kay mian biwi kay jinsi ta'alluqaat per sharmindagi ki koi baat nahin, yeh koi buri cheez nahin. Allah kay nabi ney biwi kay sath mubaashirat ko naeki aur sadqa qaraar diya hai. Iss tarah kyalarkiyon ko yeh ilm nahin hona chahiyie kayhaez koi bemari nahin bul kay ek fitri cheez hai jo inn ki baloghat aur takmeel ki alamat hai. Kya bachiyon ko yeh ilm nahin hona chahiyie kay leucorrhea koi beemari nahin.
Agar aap bachon ko Quran o sunnah aur jadeed ilm ki roshni mein khud jinsi ta'aleem nahin deingey to bachey yeh ma'aloomat apney doston, deewaro'n per ishtehaaraat aur ghaer meyari kutub sey hasil kareingey jo taqreeban 100% ghalat aur gumrahkun hoti hain. Ek research kay mutabiq bachey taqreeban 50% jinsi ma'aloomat doston aur 21% kutub sey hasil kartey hain(Hyde). Budqismati sey bacho'n kay doston ki ma'aloomaat durust hoti hain na hi humarey haan iss mozou per meyaru kutub mojood hain.
Iss hawaley sey ek sawal yeh paeda hota hai kay bachon ko jinsi taleem kab dii jaey. Iss silsiley mein Quran majeed sey rehnumaee milti hai. Who bachey jinki madri zuban urdu hai woh ju'nhi Quran Majeed parhna shuru kartey hain unn ki sex education bhi shuru ho jati hai. Amooman bachey 9 ya 10 saal ki umer mein Quran majeed parhna shuru kar detey hain. Mashhoor huftroza Time kay ek survey kay mutabiq awam ki aksaryat ka khayal hai kay jinsi ta'aleem 12 saal ki umer sey shuru ho jab kay walaedaen ka khayal hai kay bachon ki jinsi ta'aleem baloghat sey pehley shuru nahin honi chahiyie magar haqeeqat yeh hai kay bacha apni jinsi ta'aleem apney ibtedaee saalon mein shuru kar deta hai
